Tratamentos – Clinica Dental 4

Equipo multidisciplinar.

Tratamentos

En Clínica Dental 4 contamos cun equipo multidisciplinar para adaptarnos ás esixencias de cada caso.

Endodoncia: O Dr. Pedro Barreiro é especialista en Endodoncia Avanzada e Odontoloxía Conservadora. A ampla experiencia e os recursos cos que contamos fixéronnos ser unha clínica de referencia nesta especialidade desde os nosos comezos. A Endodoncia Microscópica é clave para a conservación das pezas dentais en casos complexos. As novas tecnoloxías en combinación cos últimos materiais e aparellos clínicos permítennos resolver casos complexos sen renunciar a unha Odontoloxía mínimamente invasiva, elementos clave no pronóstico a longo prazo neste tipo de tratamentos.
Odontopediatría: A Dra. Villar é especialista en Odontopediatría desde fai 10 anos. A súa formación especializada, a súa vocación e a súa calidade humana fornécenlle as ferramentas necesarias para realizar tratamentos actualizados nos máis pequenos, desde os máis sinxelos ata os máis complexos. Ademais, conta con técnicas especiais de manexo de conduta adaptadas a cada idade e situación. Proximidade, empatía, comprensión, dedicación e paciencia para que nos sintan o seu "fogar".
Estética dental: A estética dental abarca diferentes tipos de tratamentos como as carillas dentais, o branqueamento dental, ademais doutros tratamentos máis complexos. Na Clínica Dental 4 contamos con "Digital Smile Design", unha técnica de planificación dixital do sorriso que nos permite coñecer de antemán o resultado final, permitindo así que o paciente o valore antes de realizar calquera intervención, o que é clave na toma conxunta de decisións.
Outras especialidades: Como profesionais da Odontoloxía, na Clínica Dental 4 tratamos todo tipo de patoloxías e especialidades. O noso equipo multidisciplinar abarca desde especialidades como os implantes dentais e periodontoloxía, ata cirurxía oral e próteses.

A nosa filosofía.

Identidade